Extra Rice

Extra Rice? Bakit anung meron at iniilagan ito ng mga tao ngayon. Sa panahong maraming nagkukumahog para magkaroon lang ng makakain sa hapag na kung tawagin ay “bigas”. Anu kaya ang dahil kung bakit ay iba ay iniiwasan ang pagkain sa kanin. 

Para kasi ang sangkatauhan ngayon ay pinagiilagan ang pagkain ng kanin, dahil ba conscious sila sa kanilang kalusugan, o baka naman gusto lang magpaganda ng katawan. Siguro hindi lang sa pangkalusugan, maging sa kanilang abdominal muscles.

Hindi naman tayo nagpapakamatay sa di pagkain ng kanin, pagdye-dyeta at pag-e-exercise diba. Pero marami pa rin sikat na personalidad na wala naman abs at alam mo sa sarili mo maraming bisyo. Si Fernando Poe Jr. naman sikat na artista kahit ngayong wala na siya ay hindi naman kailangang magpakita ng katawan–lagi nga siyang naka jacket sa katangahaliang tapat diba; kundi maong na jacket, naka long-sleeve o kung minsan naka leatherjacket–habang tagaktak ng pawis, hindi mo pa din kakakitaan ng bahid ng mantika sa mukha.

Bakit sa lahat ng kinakain natin, hindi nawawala mga salitang low carbohydrates, l'carnitine, light, fit and non fat at herbals. Anu nga bang problema kung na sobrahan sa Extra Rice? Anung problema kung makali ang tiyan? Bakit si Albert Einstein, alam mong walang salitang diet o diyeta sa kanya, at alam mo din hindi siya nag-gi-gym, pero may Theory of Relativity.

Para sa mga Anti-Extra Rice advocates. Sa ngalan ng libu-libong gutom na tao. Sa ngalan ng kanin at malalaking tiyan. Teka nga, anu nga bang na bigay na kontribusyon ng magandang abs sa mundo? Diba wala naman paki alam ang mundo sa magandang abs kung ang isipan naman walang alam.