Persona Non Grata Justin Biboy

Kamakailan lang. Matapos ang mainit na talakayan ng Reproductive Health Bill, at boxing ni Manny Pacquiao. Gamit ang kapangyarihan ng social media site na twitter ay pinaglaruan ni Justin Bieber ang litrato ni Pacman na ginigising ng maliit na tigre at lean dance ni Michael Jackson, ay naghain ang anim na kongresista na i-deklara na Persona Non Grata ang canadian artist o kailangang humingi ng Public Apology.

Dahil sa napakaraming kabataan sa mundo ang umiidolo at tumitingala sa kanya. Dapat daw siya ay magsilbing magandang halimbawa sa milyong milyon kabataan. Na dapat niyang malaman na ang kanyang pinagtripan ay mahal na mahal ng nakararami, ginagalang at tinitingala, hinahanggaan ng buong nasyon.

Pero sa gitna ng maraming nagugutom na tao sa kalsada, sa gitna ng tumataas ng unemployment rate, sa gitna ng kawalang matrikula ng mga gustong mag aral. May mga tao pa din maraming oras na nasa kanilang mga daliri at kamay. O baka sumasakay lang sa issue na alam naman nating walang ka kwenta kwenta at gusto lang palakihin ang usapan.

Parang di ba, hindi na dapat pinag-aaksayahan at sinasayanggan ng ng panahon ang ganitong klaseng usapin. Napaka balat sibuyas naman natin. Napaka nipis naman ng ating mga balat. Napaka babaw ng ganitong klaseng issue.