Papaano binaril si Jose Rizal? Paharap ba o patalikod?

PAPAANO BINARIL SI JOSE RIZAL? PAHARAP BA O PATALIKOD?

Para sa mga napatunayang taksil sa gobyerno ng Espanya. Sila ay binabaril ng nakatalikod para sa kanilang pagkakatumba ay susubsob ang kanilang mukha sa lupa, hatol na kamatayang walang kadangal dangal. 

30 December 1896 , 6:30am. Naglakad sila Pepe at ng kanyang mga kasama mula sa Fort Santiago hanggang sa Bagumbayan. Mas pinili ni Pepe na maglakad kesa sumakay sa karwahe. Bakit? Siguro para tumagal pa sya kahit ilang minuto sa mundo. Suot ni Pepe ang pinakamagandang damit, nagkasumbrero pa. 

Kasama nyang naghatid ang naging propesor nya sa Ateneo; sina Padre March at Padre Villaclara. Binibiro pa ito ni Pepe, pero hindi sya magaling na joker. Seryoso ang mukha at hindi tumatawa ang dalawa. 

Nang makarating sa lugar na kanyang pagbabarilan. Nag-request si Pepe sa kapitan heneral na wag syang barilin ng patalikod, dahil hindi daw sya taksil sa gobyerno ng Espanya. Hindi ito pinayagan. Dapat pa nga daw ay paluhurin at nilagyan ng piring o takip sa mata, pero hindi na ito ginawa tulad ng ibang binibitay sa pamamagitan ng pagbaril ng nakatalikod. Tanging naging hiling ni Pepe ay barilin sya sa likuran malapit sa kanyang puso.

Kinuhaan ng pulso si Pepe ng isang doctor na espanyol. Normal at hindi sya kinakabahan. Hindi takot mamatay si Pepe. 

7:03am, sumigaw ang heneral, “Preparado!”, habang itinaas ang kanyang espada. “Apunten!”, itinutok kay Pepe ang mga ripple. Gayun pa din, kalmadong kalmado si Pepe. Kasabay ng pagbagsak ng espada ng heneral ang pagsigaw ng “Fuego!”. Pumutok ang mga baril. 

Ito ang astig! Ginamit nya ang puwersa ng mga baling tumama sa’kanya para mapaikot at hindi bumagsak ng nakasubsob sa lupa ang kanyangg mukha. Umikot ang katawan ni Pepe at tumumba ng nakatingala sa kalangitan. Namatay sya ng may dangal. 

“Viva España!  Muerte de los Traidores!”, sigaw ng mga espanyol. Patay na ang numero unong kaaway ng Espanya.